ബോധവത്കരണം കഴിഞ്ഞു; എ.ഐ. ക്യാമറകള് തിങ്കളാഴ്ച മുതല് പിഴ ഈടാക്കും
June 4 | 12:11 PM
തിരുവനന്തപുരം: സംസ്ഥാനത്തെ നിരത്തുകളില് സ്ഥാപിച്ചിട്ടുള്ള 726 എ.ഐ. ക്യാമറകള് തിങ്കളാഴ്ച മുതല് ഗതാഗത നിയമലംഘനങ്ങള്ക്ക് പിഴ ഈടാക്കും. മോട്ടോര്വാഹനവകുപ്പിന്റെ കണ്ട്രോള് റൂമുകളും സജ്ജമാണ്. ബോധവത്കരണ നോട്ടീസ് നല്കല് അവസാനിപ്പിച്ചാണ് പിഴചുമത്തലിലേക്ക് കടക്കുന്നത്.
ക്യാമറയുടെ നടത്തിപ്പുമായി ബന്ധപ്പെട്ട് കെല്ട്രോണുമായുള്ള വ്യവസ്ഥകളില് അന്തിമരൂപമാവുന്നതേയുള്ളൂ. കേടാകുന്ന ക്യാമറകള് നിശ്ചിത സമയത്തിനുള്ളില് പ്രവര്ത്തനസജ്ജമാക്കുന്നതും പരിപാലിക്കുന്നതും കെല്ട്രോണിന്റെ ചുമതലയാണ്. അപകടങ്ങളിലും മറ്റും കേടാകുന്ന ക്യാമറകള്ക്ക് നഷ്ടപരിഹാരം ഈടാക്കാന് മോട്ടോര്വാഹനവകുപ്പ് സഹായം നല്കും. റോഡിലെ നിയമലംഘനങ്ങള് കുറച്ച് അതുവഴി അപകടങ്ങള് ഇല്ലാതാക്കാനാണ് നടപടി.