കണ്ണൂർ റെയിൽവെ സ്റ്റേഷനിൽ ബോംബ് ഭീഷണി; പ്രതി പിടിയിൽ
January 11 | 11:25 AM
കണ്ണൂർ: കണ്ണൂർ റെയിൽവേ സ്റ്റേഷനിൽ ബോംബ് വെച്ചതായി ഫോൺ വിളിച്ച് ഭീഷണിപ്പെടുത്തിയയാൾ അറസ്റ്റിൽ. കണ്ണൂർ സിറ്റി നാലു വയലിലെ പി.എ റിയാസാണ് പിടിയിലായത്. ഇന്നലെ രാത്രിയാണ് റെയിൽവേ സ്റ്റേഷനിൽ ബോംബ് വെച്ചതായി ഇയാൾ വിളിച്ച് പറഞ്ഞത്. ടൗൺ ഇൻസ്പെക്ടർ പി.എ ബിനു മോഹന്റെ നേതൃത്വത്തിൽ എസ്ഐ സി.എച്ച് നസീബാണ് പ്രതിയെ അറസ്റ്റ് ചെയ്തത്. ഫോൺ കോൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്. പൊലീസ് കൺട്രോൾ റൂമിലേക്കാണ് ഇന്നലെ രാത്രി ബോംബ് ഭീഷണി വിളി വന്നത്.