നേപ്പാളിൽ വിമാന ദുരന്തം: പൊഖാറ അന്താരാഷ്ട്ര വിമാനത്താവളത്തിൽ വിമാനം തകർന്നു വീണ് 18 മരണം; മരണസംഖ്യ ഉയർന്നേക്കും
January 15 | 10:38 AM
പൊഖാറ: നേപ്പാളിലെ പൊഖാറ അന്താരാഷ്ട്ര വിമാനത്താവളത്തിൽ വിമാനം തകർന്നു വീണു. 72 സീറ്റുള്ള യതി എയർലൈൻസിൻറെ വിമാനമാണ് റൺവെയിൽ തകർന്നു വീണത്. 68 യാത്രക്കാരും 4 ജീവനക്കാരുമാണ് വിമാനത്തിൽ ഉണ്ടായിരുന്നതെന്നാണ് വിവരം. 18 മൃതദേഹങ്ങൾ കണ്ടെടുത്തതായി നേപ്പാളി മാധ്യമങ്ങൾ റിപ്പോർട്ട് ചെയ്തു. രക്ഷാപ്രവർത്തനം തുടരുകയാണ്. അപകടത്തെ തുടർന്ന് വിമാനത്താവളം അടച്ചു. മോശം കാലാവസ്ഥയാണ് അപകടത്തിന് കാരണമെന്നാണ് പ്രാഥമിക വിലയിരുത്തൽ.