നിയമന കത്ത് വിവാദം: പ്രതിപക്ഷ സമരത്തിനെതിരെ രാഷ്ട്രീയ പ്രതിരോധം തീർക്കാൻ സിപിഎം
November 12 | 06:59 PM
തിരുവനന്തപുരം: കോര്പ്പറേഷനിലെ കരാര് നിയമനങ്ങളുമായി ബന്ധപ്പെട്ട കത്ത് വിവാദത്തിൽ മേയറുടെ രാജിയാവശ്യപ്പെട്ട് പ്രതിപക്ഷം നടത്തുന്ന സമരം ആറാം ദിവസം പിന്നിട്ടതോടെ വിഷയത്തിൽ ഇടപെടാൻ തീരുമാനിച്ച് സിപിഎം. പ്രതിഷേധങ്ങൾക്കെതിരെ രാഷ്ട്രീയ പ്രതിരോധം തീർക്കാനാണ് സിപിഎം തീരുമാനം. പ്രതിപക്ഷ പാർട്ടികളായ കോൺഗ്രസിന്റെയും ബിജെപിയുടേയും സമരത്തെ നേരിടാൻ ബദൽ പ്രചരണം നടത്താൻ സിപിഎം ജില്ലാ സെക്രട്ടേറിയറ്റിൽ തീരുമാനമായി. എൽഡിഎഫ് രാജ്ഭവൻ ധർണയ്ക്ക് ശേഷം പ്രചാരണ പരിപാടി തീരുമാനിക്കും. കോർപ്പറേഷനിലെ ബിജെപി, കോൺഗ്രസ് സമരങ്ങൾക്ക് പിന്നിലെ രാഷ്ട്രീയം തുറന്നു കാട്ടണമെന്നാണ് ജില്ലാ സെക്രട്ടറിയേറ്റിലുയര്ന്ന തീരുമാനം.