'സർക്കാരും സിപിഐഎമ്മുംഒരു മതത്തിനും എതിരല്ല'; കലോത്സവ സ്വാഗതഗാന വിവാദം പരിശോധിക്കുമെന്ന് എം.വി ഗോവിന്ദന്
January 10 | 01:07 PM
കണ്ണൂർ: സംസ്ഥാന സ്കൂള് കലോത്സവത്തിലെ സ്വാഗതഗാന വിവാദവുമായി ബന്ധപ്പെട്ട് പ്രതികരണവുമായി സിപിഐഎം സംസ്ഥാന സെക്രട്ടറി എം വി ഗോവിന്ദന്. സിപിഐഎമ്മും സര്ക്കാരും ഒരു മതത്തിനും എതിരല്ലെന്ന് എം വി ഗോവിന്ദന് പറഞ്ഞു. സര്ക്കാരിന്റെ ഈ നിലപാടിനെതിരെ ആരെങ്കിലും പ്രവര്ത്തിച്ചിട്ടുണ്ടെങ്കില് അത് പരിശോധിക്കും. കോഴിക്കോട് ജില്ലാ സെക്രട്ടറിയേറ്റും സമാന ആവശ്യം ഉയര്ത്തിയിട്ടുണ്ടെന്നും അദ്ദേഹം കൂട്ടിച്ചേര്ത്തു. സംസ്ഥാന സ്കൂള് കലോത്സവത്തിന്റെ സ്വാഗത ഗാനത്തിന്റെ ദൃശ്യാവിഷ്കാരത്തില് മുസ്ലിം വിരുദ്ധതയുണ്ടെന്ന ആരോപണം വിവിധ കോണുകളില് നിന്ന് ഉയര്ന്നുവന്നിരുന്നു. ഒടുവിൽ
സ്വാഗതഗാനത്തിന്റെ ദൃശ്യാവിഷ്കാരം എല്ഡിഎഫ് സര്ക്കാരിന്റെ പ്രഖ്യാപിത നിലപാടിന് വിരുദ്ധമാണെന്ന് സിപിഐഎം പ്രസ്താവിച്ചു. സംഭവം വിശദമായി പരിശോധിച്ച് നടപടിയെടുക്കണമെന്ന് സിപിഐഎം കോഴിക്കോട് ജില്ലാ സെക്രട്ടറിയേറ്റും ആവശ്യപ്പെട്ടു.