വിഴിഞ്ഞം സമരം: നിയമസഭയിൽ അടിയന്തര പ്രമേയം അവതരിപ്പിച്ചു
December 6 | 02:36 PM
തിരുവനന്തപുരം: വിഴിഞ്ഞം തുറമുഖ വിരുദ്ധ സമരവും സർക്കാർ നടപടികളിലുള്ള എതിർപ്പും പ്രതിപക്ഷം നിയമസഭയിൽ ഉന്നയിച്ചു. മത്സ്യത്തൊഴിലാളികളെ കേരളത്തിന്റെ സൈന്യം എന്ന് മുഖ്യമന്ത്രി വിശേഷിപ്പിച്ചുവെന്നും എന്നാൽ ആ സൈന്യം വിഷമങ്ങളുമായി വരുമ്പോൾ അവരെ രാജ്യദ്രോഹികൾ ആക്കുന്നുവെന്നും എം വിൻസെന്റ് സഭയിൽ പറഞ്ഞു. 'മത്സ്യത്തൊഴിലാളികളുടേത് ന്യായമായ ആവശ്യങ്ങളാണ്. വിഴിഞ്ഞം തുറമുഖ നിർമ്മാണത്തിന്റെ ഉദ്ഘാടന ചടങ്ങ് ബഹിഷ്കരിച്ചവരാണ് സിപിഎമ്മുകാർ. അവരാണ് യുഡിഎഫിനെ വികസന വിരോധികളായി ചിത്രീകരിക്കുന്നത്'- എം വിൻസെന്റ് പറഞ്ഞു.