ചുവപ്പ് തലയില് കെട്ടിയാല് കമ്മ്യൂണിസ്റ്റ് ആവില്ല, ആകാശ് പേരില് നിന്ന് തില്ലങ്കേരി മാറ്റണം: എം.വി ജയരാജൻ
February 21 | 08:55 AM
കണ്ണൂര്: മട്ടന്നൂർ ഷുഹൈബ് വധക്കേസ് പ്രതി ആകാശ് തില്ലങ്കേരിക്കെതിരെ വിമര്ശനവുമായി സിപിഎം കണ്ണൂര് ജില്ലാ സെക്രട്ടറി എം.വി ജയരാജന്. ചുവപ്പ് തലയില് കെട്ടിയാല് കമ്മ്യൂണിസ്റ്റ് ആവില്ലെന്നും ആകാശ് തില്ലങ്കേരി പേരില് നിന്ന് തില്ലങ്കേരി മാറ്റണമെന്നും എം.വി ജയരാജന് ആവശ്യപ്പെട്ടു. ക്വട്ടേഷന് സംഘങ്ങളെ പാര്ട്ടി സംരക്ഷിക്കില്ല. ക്വട്ടേഷന് സംഘങ്ങളുടെ പേരില് പാര്ട്ടിയില് ഭിന്നതയില്ല. ഇത്തരം സംഘത്തിന്റെ ഭീഷണിക്ക് മുന്നില് പാര്ട്ടി മുട്ട് മടക്കില്ലെന്നും എം വി ജയരാജന് തില്ലങ്കേരിയിലെ പൊതുയോഗത്തില് പറഞ്ഞു.
നവ മാധ്യമ ക്വട്ടേഷന് പണി സിപിഎം ആരെയും ഏല്പിച്ചിട്ടില്ലെന്നും അദ്ദേഹം വ്യക്തമാക്കി. പിബി അംഗം വരെയുള്ളവര്ക്ക് ക്വട്ടേഷനെ കുറിച്ച് ഒരേ അഭിപ്രായമാണെന്നും എം.വി ജയരാജന് പറഞ്ഞു. സിപിഎമ്മില് ഭിന്നത എന്ന് വാര്ത്ത വരുന്നു. ആ പൂതി അങ്ങ് മനസില് വച്ചാല് മതി. 2013ല് തന്നെ പി ജയരാജന് ക്വട്ടേഷന് സംഘങ്ങളെ തള്ളിപ്പറഞ്ഞ് പൊതുസമ്മേളനം നടത്തിയതാണ്. കണ്ടാമൃഗത്തെക്കാള് ചര്മ ബലമുള്ളവരാണ് സിപിഎം ഭിന്നത എന്ന വാര്ത്തയുണ്ടാക്കുന്നതെന്നും ജയരാജന് പറഞ്ഞു.