തലശ്ശേരിയിൽ കുഞ്ഞിനെ ചവിട്ടിയ സംഭവം; പൊലീസിന് വീഴ്ച പറ്റിയോ, അന്വേഷണം തുടങ്ങി
November 5 | 07:03 AM
കണ്ണൂർ: തലശ്ശേരിയിൽ ആറ് വയസുകാരനെ യുവാവ് ചവിട്ടി പരിക്കേൽപ്പിച്ച സംഭവത്തിൽ പൊലീസിന് വീഴ്ച പറ്റിയോയെന്ന പരിശോധന തുടങ്ങി. വ്യാഴാഴ്ച രാത്രി സംഭവം നടന്നിട്ട് സ്റ്റേഷനിലുണ്ടായ പ്രതിയെ വീട്ടിലേക്ക് പറഞ്ഞു വിട്ടിരുന്നു. ഇതാണ് എഎസ്പി നിഥിൻ രാജ് അന്വേഷിക്കുക. സ്റ്റേഷൻ ഹൗസ് ഓഫീസർ, എസ്ഐ അടക്കമുള്ളവരിൽ നിന്ന് മൊഴിയെടുക്കും. അക്രമത്തിനിരയായ കുട്ടിയിപ്പോഴും ആശുപത്രിയിൽ തുടരുകയാണ്. കുട്ടിയെ തൊഴിച്ച മുഹമ്മദ് ഷിഹ്ഷാദിനെ കോടതി ഇന്നലെ പതിന്നാല് ദിവസത്തേക്ക് റിമാൻറ് ചെയ്തിരുന്നു.
വ്യാഴാഴ്ച വൈകീട്ടാണ് തന്റെ കാറിൽ ചാരി നിന്നതിന്റെ പേരിൽ പ്രതി, രാജസ്ഥാൻ സ്വദേശികളായ നാടോടി കുടുംബത്തിലെ ആറ് വയസുകാരനായ കുഞ്ഞിനെ ക്രൂരമായി ചവിട്ടിതെറിപ്പിച്ചത്.