വിഴിഞ്ഞത്ത് തുറമുഖ നിർമാണത്തിനെതിരെ സമരം തുടരുമെന്ന് ലത്തീന് അതിരൂപത
November 27 | 10:12 AM
വിഴിഞ്ഞം: വിഴിഞ്ഞത്ത് തുറമുഖ നിര്മാണത്തിനെതിരായി നടത്തുന്ന സമരം തുടരാൻ ലത്തീൻ അതിരൂപതയുടെ തീരുമാനം. സമരം തുടരാന് ആഹ്വാനം ചെയ്ത് ലത്തീന് അതിരൂപത പള്ളികളില് സര്ക്കുലര് വായിച്ചു. തുറമുഖ നിര്മാണത്തിനെതിരായ സമരം തുടരണമെന്നാണ് ആഹ്വാനം. സമരസമിതി ഉന്നയിച്ച ആവശ്യങ്ങളില് ഒന്നില്പ്പോലും പരിഹാരം കണ്ടിട്ടില്ലെന്നും സര്ക്കുലറില് പറയുന്നു. ഓഖി വാര്ഷിക ദിനമായ ചൊവ്വാഴ്ച വീടുകളില് മെഴുകുതിരി കത്തിക്കണമെന്നാണ് നിര്ദേശം. വീട് നഷ്ടപ്പെട്ടവരെ തെറ്റിദ്ധരിപ്പിക്കാനുള്ള സര്ക്കാര് നീക്കത്തിനെതിരെ ജാഗ്രത വേണം. തുറമുഖ കവാടത്തിലുള്ള സമരപ്പന്തലിലെ അനുസ്മരണ ചടങ്ങില് പങ്കെടുക്കണമെന്നും ലത്തീന് അതിരൂപത ആഹ്വാനം ചെയ്തു.