വിഴിഞ്ഞത്തുണ്ടായ സംഘര്ഷം; വൈദികരടക്കമുള്ളവര്ക്കെതിരെ കേസ്
November 27 | 10:10 AM
വിഴിഞ്ഞം: തുറമുഖ നിര്മ്മാണത്തിന് കല്ലുകളുമായെത്തിയ ലോറികള് തടഞ്ഞതിന് പിന്നാലെ വിഴിഞ്ഞത്തുണ്ടായ സംഘര്ഷത്തില് വൈദികരടക്കമുള്ളവര്ക്കെതിരെ കേസ്. സമരം വീണ്ടും സംഘര്ഷത്തിലേക്ക് പോയ സാഹചര്യത്തില് വധശ്രമം അടക്കമുള്ള വകുപ്പുകള് പോലീസ് ചുമത്തുമെന്നാണ് വിവരം. കഴിഞ്ഞ ദിവസം ഉണ്ടായ സംഘര്ഷത്തില് മുല്ലൂരിലെ വീടുകളുള്പ്പെടെ തുറമുഖവിരുദ്ധ സമരക്കാര് കല്ലെറിഞ്ഞിരുന്നു. ഈ സാഹചര്യത്തില് പ്രദേശത്ത് കൂടുതല് പോലീസിനെ വിന്യസിച്ചു. ശനിയാഴ്ചയുണ്ടായ സംഘര്ഷത്തില് പോലീസുകാരുള്പ്പെടെ 21 പേര്ക്ക് പരിക്കേറ്റിരുന്നു. അതേസമയം സമാധാനപരമായി സമരം ചെയ്യുന്നവരെ അടിച്ചൊതുക്കാനാണ് സര്ക്കാരും അദാനിയും ശ്രമിക്കുന്നതെന്ന് ഫാദര് യൂജിന് പെരേര പറഞ്ഞു.