കോൺഗ്രസിൽ ഒരു നേതാവിനും തടസമുണ്ടാകില്ല: വി.ഡി സതീശൻ
November 20 | 12:43 PM
തിരുവനന്തപുരം: ശശി തരൂർ എം.പിയുടെ വിഷയം സംഘടനാപരമായ കാര്യമാണെന്നും
പാർട്ടി നിലപാട് കെ.പി.സി.സി അധ്യക്ഷൻ പറഞ്ഞിട്ടുണ്ടെന്നും പ്രതിപക്ഷ നേതാവ് വി.ഡി സതീശൻ. തരൂരിന് അപ്രഖ്യാപിത വിലക്ക് ഏർപ്പെടുത്തിയെന്ന വാർത്തയോട് പ്രതികരിക്കുകയായിരുന്നു അദ്ദേഹം. ഒരു നേതാവിനും ഒരു തടസവുമുണ്ടാവില്ല. ഹിമാചലിലെ താരപ്രചാരകരുടെ ലിസ്റ്റിൽ തരൂർ ഉണ്ടായിരുന്നില്ല. പിന്നെ എങ്ങനെ ഒഴിവാക്കിയെന്ന് പറയുമെന്നും സതീശൻ ചോദിച്ചു. തരൂർ സംസ്ഥാന രാഷ്ട്രീയത്തിൽ സജീവമാകുന്നതിൽ മുതിർന്ന നേതാക്കൾക്ക്
ആശങ്കയുണ്ടോ എന്ന ചോദ്യത്തിന് 'നോ കമന്റ്' എന്നായിരുന്നു സതീശന് നൽകിയ മറുപടി.