December 22 | 10:41 AM

ഹരിയാന: കേന്ദ്ര ആരോഗ്യമന്ത്രിയുടെ കൊവിഡ് നിർദേശങ്ങൾ തള്ളി കോൺഗ്രസിന്റെ ഭാരത്‌ ജോഡോ യാത്ര. മാസ്ക് ധരിക്കുകയോ, ആളകലം പാലിക്കുകയോ ചെയ്യാതെയാണ് ഇന്നത്തെ യാത്രയ്‌ക്ക് ഹരിയാനയിൽ തുടക്കമായത്. കൊവിഡ് മാനദണ്ഡങ്ങൾ പാലിച്ചില്ലെങ്കിൽ യാത്ര നിർത്തിവയ്ക്കേണ്ടി വരുമെന്നാണ് ഇന്നലെ കേന്ദ്ര ആരോഗ്യമന്ത്രി മൻസുഖ് മാണ്ഡവ്യ മുന്നറിയിപ്പ് നൽകിയത്. ഇക്കാര്യം ചൂണ്ടിക്കാട്ടി രാഹുല്‍ ഗാന്ധിക്കും അശോക് ഗെഹ്ലോട്ടിനും അദ്ദേഹം കത്തയക്കുകയും ചെയ്തിരുന്നു. മാസ്കും സാനിറ്റൈസറും കൃത്യമായി ഉപയോഗിക്കണമെന്നും വാക്‌സിൻ എടുത്തവരെ മാത്രമേ യാത്രയിൽ പങ്കെടുപ്പിക്കാവൂ എന്നും അദ്ദേഹം നിർദേശിച്ചു. അല്ലാത്തപക്ഷം യാത്ര മാറ്റി വയ്ക്കണമെന്നും ആരോഗ്യമന്ത്രി വ്യക്തമാക്കി. എന്നാൽ ഭാരത് ജോഡോ യാത്രയോട് ബി.ജെ.പിക്കും കേന്ദ്രസർക്കാരിനും എതിർപ്പാണെന്നും ഗുജറാത്തിൽ പ്രധാനമന്ത്രി നടത്തിയ റാലിയിൽ ഈ നിർദേശങ്ങൾ പാലിക്കപ്പെട്ടോ എന്നും കോൺഗ്രസ് തിരിച്ചടിക്കുകയായിരുന്നു.