തലസ്ഥാനത്ത് യൂത്ത് ലീഗ് മാർച്ചിൽ വ്യാപക സംഘർഷം
January 18 | 02:20 PM
തിരുവനന്തപുരം: തിരുവനന്തപുരത്ത് യൂത്ത് ലീഗ് മാര്ച്ചില് വ്യാപക സംഘര്ഷം. പൊലീസും യൂത്ത് ലീഗ് പ്രവര്ത്തകരും തമ്മില് തെരുവില് ഏറ്റുമുട്ടി. പ്രവര്ത്തകര്ക്ക് നേരെ പൊലീസ് കണ്ണീര്വാതകം പ്രയോഗിച്ചു. പൊലീസിന് നേരെയും കല്ലേറുണ്ടായി. പൊലീസ് പലവട്ടം ലാത്തിച്ചാര്ജ് നടത്തിയെന്നും നിരവധി നേതാക്കള്ക്കും പ്രവര്ത്തകര്ക്കും പരുക്കേറ്റെന്നും യൂത്ത് ലീഗ് പ്രവര്ത്തകര് പറഞ്ഞു. സെക്രട്ടറിയേറ്റിന് മുന്നില് വിവിധ സമരങ്ങള്ക്കെത്തിയവര്ക്കും വഴിയാത്രക്കാര്ക്കും പൊലീസ് അതിക്രമത്തില് പരിക്കേറ്റു. പല കടകള്ക്ക് നേരെയും കല്ലേറുണ്ടായി. വഴിയാത്രക്കാരായ ചിലര്ക്ക് സംഘര്ഷത്തിനിടെ ദേഹാസ്വാസ്ഥ്യമുണ്ടായി. സെക്രട്ടേറിയറ്റ് മാര്ച്ചിനിടെ റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകരെയും പൊലീസ് കയ്യേറ്റം ചെയ്തു.