March 10 | 04:04 PM

തിരുവനന്തപുരം: ഭാര്യ ബിന്ദുമേനോൻ ഉന്നയിച്ച വിവാദ ആരോപണങ്ങളില്‍ ഗതാഗത മന്ത്രി ഗണേഷ് കുമാര്‍ രാജി വയ്ക്കില്ല. മുഖ്യമന്ത്രി പിണറായി വിജയനെ നേരിട്ട് കണ്ട് ഗണേഷ് കുമാര്‍ കാര്യങ്ങള്‍ വിശദീകരിച്ചു. മന്ത്രി ഗണേഷ് കുമാറിനെതിരായ ഭാര്യയുടെ പരാതി കുടുംബപ്രശ്നമെന്ന് പറഞ്ഞ് ഒത്തുതീര്‍പ്പാക്കുമ്പോഴും സര്‍ക്കാരിനെതിരെ രാഷ്ട്രീയ ചോദ്യങ്ങള്‍ ഉയർന്നേ കൊണ്ടേയിരിക്കും എന്നതിൽ സംശയമില്ല. സ്ത്രീപക്ഷ നിലപാടുകൾ ഉയർത്തി പിടിക്കുന്ന സർക്കാരിന് ഗണേഷ് കുമാറിനെതിരെയുള്ള പരാതി കുടുംബ പ്രശ്നമാണെന്ന് പറഞ്ഞു പരിഹരിക്കപ്പെട്ടാലും മുഖ്യമന്ത്രിക്ക് ആ സ്ത്രീപക്ഷ അവകാശ വാദം ആവര്‍ത്തിക്കാനാകില്ല. രാഹുൽ മാങ്കൂട്ടത്തിൽ വിഷയത്തിൽ വേഗത്തിൽ നടപടിയുമായി മുൻപോട്ട് പോയ സർക്കാരിന് ഗണേഷ് കുമാർ തെരഞ്ഞെടുപ്പ് പ്രചരണ സമയത്ത് വലിയ തല വേദനയാകും. വീട്ടിൽ കയ്യേറ്റമടക്കമുണ്ടായെന്ന 112 വിളിച്ച് മന്ത്രിയുടെ ഭാര്യ പരാതിപ്പെട്ടപ്പോള്‍ വന്ന പൊലീസ് ഒരു നടപടിയും എടുത്തില്ല. ഒന്നും ചെയ്യാനില്ലെന്ന് പറഞ്ഞ് പൊലീസ് ഒഴിഞ്ഞു. മുഖ്യമന്ത്രിയുടെ മകളെ വിവരം അറിയിച്ചെന്ന വെളിപ്പെടുത്തലുമുണ്ടായി. പരാതി ഒത്തുതീര്‍പ്പാക്കുമ്പോഴും ഒരു ഇടപെടലുമുണ്ടായില്ലെന്ന പ്രശ്നം നിലനിൽക്കുന്നു.