പോക്സോ കേസ് അതിജീവിതയോട് അപമര്യാദയായി പെരുമാറിയ എഎസ്ഐക്കതിരെ പോക്സോ വകുപ്പ് ചുമത്തി
November 12 | 08:53 AM
വയനാട്: പോക്സോ കേസ് അതിജീവിതയോട് അപമര്യാദയായി പെരുമാറിയ സംഭവത്തില് എഎസ്ഐക്കെതിരെ പോക്സോ വകുപ്പ് ചുമത്തി. അമ്പലവയൽ ഗ്രേഡ് എഎസ്ഐ ടിജി ബാബുവിനെ സസ്പെൻഡ് ചെയ്തു. എഎസ്ഐക്കെതിരെ പോക്സോ നിയമ പ്രകാരം കേസ് എടുത്തു. വയനാട് എസ്പിയുടെ റിപ്പോര്ട്ട് പ്രകാരം ഡിഐജി രാഹുല് ആര് നായരുടേതാണ് ഉത്തരവ്. അമ്പലവയൽ സ്റ്റേഷൻ എസ്ഐ സോബിനും, ഡബ്യൂസിപിഒ പ്രജുഷക്കുമെതിരെ അന്വേഷണം പ്രഖ്യാപിച്ചിട്ടുണ്ട്. തെളിവെടുപ്പിന് കൊണ്ടുപോകുന്നതിനിടെയായിരുന്നു പൊലീസ് ഉദ്യോഗസ്ഥന്റെ ക്രൂരത. തെളിവെടുപ്പിനിടെ പെണ്കുട്ടിയെ ഫോട്ടോ ഷൂട്ടിന് നിര്ബന്ധിച്ചെന്നും പരാതിയില് പറയുന്നു. സംഭവം വിവാദമായതോടെയാണ് എഎസ്ഐ ബാബു ടി.ജിയെ സര്വീസില് നിന്ന് സസ്പെന്ഡ് ചെയ്തത്.