ഹൈക്കോടതി ചീഫ് ജസ്റ്റിന് നേരെ കാർ തടഞ്ഞുനിർത്തി ആക്രമണം
November 21 | 09:22 AM
കൊച്ചി : ഹൈക്കോടതി ചീഫ് ജസ്റ്റിസിന്റെ പൈലറ്റ് വാഹനം തടഞ്ഞ് ആക്രമണം. ചീഫ് ജസ്റ്റിസ് എസ് മണികുമാറിന്റെ വാഹനമാണ് തടഞ്ഞ് അദ്ദേഹത്തെ ആക്രമിച്ചത്. ഇന്നലെ രാത്രി അദ്ദേഹം വിമാനത്താവളത്തിൽ നിന്നും വരുന്ന വഴി ഒരാൾ തടഞ്ഞു നിർത്തിയത്. കൊച്ചി ഗോശ്രീ പാലത്തിന് സമീപത്തു വെച്ചായിരുന്നു സംഭവം. സംഭവത്തിൽ ഇടുക്കി ഉടുമ്പൻചോല സ്വദേശി ടിജോയെ പൊലീസ് അറസ്റ്റ് ചെയ്തു. ഇയാൾ മദ്യലഹരിയിൽ ആയിരുന്നുവെന്ന് പോലീസ് പറഞ്ഞു. ഇയാൾക്ക് നേരെ വധശ്രമത്തിന് കേസെടുത്തിട്ടുണ്ട്.
ഇത് തമിഴ്നാട് അല്ല എന്ന് പറഞ്ഞായിരുന്നു ഇയാൾ ആക്രമണം നടത്തിയത്. ചീഫ് ജസ്റ്റിസിനെ അസഭ്യം പറഞ്ഞതായും അദ്ദേഹത്തിന്റെ ഗൺമാൻ നൽകിയ പരാതിയിൽ പറയുന്നു. ടിജോ ഒരു കണ്ടെയ്നർ ലോറി ഡ്രൈവറാണ്.