November 28 | 02:21 PM

മലപ്പുറം: വിഴിഞ്ഞം പ്രതിഷേധത്തിൽ സർവകക്ഷി യോഗം വിളിക്കണമെന്ന്  മുസ്ലിം ലീഗ് നേതാവ് പി. കെ കുഞ്ഞാലിക്കുട്ടി. എരിതീയിൽ എണ്ണ ഒഴിക്കാനില്ല. യുഡിഎഫ് പദ്ധതിക്കെതിരല്ല. മത്സ്യതൊഴിലാളികളുടെ ആശങ്ക പരിഹരിക്കണമെന്നും അദ്ദേഹം പറഞ്ഞു. ചർച്ചകളുമായി സഹകരിക്കാൻ യുഡിഎഫ് തയാറാണ്. കലക്കവെള്ളത്തിൽ മീൻ പിടിക്കാനില്ല. പക്ഷെ മതമേലധ്യക്ഷൻമാർക്കെതിരെ കേസെടുത്തത് ശരിയല്ലെന്നും കുഞ്ഞാലിക്കുട്ടി  മലപ്പുറത്ത് പറഞ്ഞു.