November 21 | 11:29 AM

കോഴിക്കോട്: മലബാർ പര്യടനത്തിൽ നടക്കേണ്ടിയിരുന്ന പരിപാടികൾക്ക് വേദി തരാതിരിക്കാൻ ചിലർ പ്രവർത്തിച്ചുവെന്ന് മുതിർന്ന കോൺ​ഗ്രസ് നേതാവ് ശശി തരൂർ എംപി. തന്നെ പരിപാടിയിൽ പങ്കെടുപ്പിക്കാതിരിക്കാൻ ചിലരുടെ മേൽ സമ്മർദ്ദം ഉണ്ടായെന്നും തരൂർ ആരോപിച്ചു. ട്വീറ്റിലൂടെയാണ് വിലക്ക് വിവാദത്തിൽ അദ്ദേഹത്തിന്റെ പ്രതികരണം. കോഴിക്കോട്ടെത്തിയ തരൂരിന് നൽകിയ സ്വീകരണത്തിൽ പ്രവർത്തകരുടെ ആവേശം വ്യക്തമാക്കുന്ന ദൃശ്യങ്ങളും തരൂർ ട്വീറ്റ് ചെയ്തിട്ടുണ്ട്. തരൂരിനെ ചൊല്ലി വിശാല ‘ഐ’ ഗ്രൂപ്പിൽ ഭിന്നത രൂക്ഷമായിട്ടുണ്ട്. ‘ഐ’ ​ഗ്രൂപ്പ് നേതാക്കളായ കെപിസിസി പ്രസിഡന്റ് കെ സുധാകരനും, കെ മുരളീധരനും തരൂരിനെ പിന്തുണച്ചു. കോൺ​ഗ്രസ് ‘എ’ വിഭാ​​ഗവും പിന്തുണ പ്രഖ്യാപിച്ചിട്ടുണ്ട്. തരൂരിനെ അവഗണിക്കരുതെന്നാണ് ‘എ’ വിഭാഗത്തിന്റെ നിലപാട്.