ഹിമാചല് പ്രദേശിൽ വോട്ടെടുപ്പ് തുടങ്ങി; ഭരണത്തുടര്ച്ച ലക്ഷ്യമിട്ട് ബിജെപി, അധികാരം പിടിക്കുമെന്ന് കോണ്ഗ്രസ്
November 12 | 07:24 AM
ഡൽഹി: ഹിമാചല് പ്രദേശിൽ വോട്ടെടുപ്പ് തുടങ്ങി. രാവിലെ എട്ട് മുതല് തുടങ്ങിയ പോളിംഗ് വൈകിട്ട് അഞ്ച് മണി വരെയാണ്. 68 അംഗ ഹിമാചല് പ്രദേശ് നിയമസഭയിലേക്ക് 55.92 ലക്ഷം വോട്ടര്മാര് 400ലധികം സ്ഥാനാര്ത്ഥികളുടെ വിധി നിര്ണ്ണയിക്കും. 7,884 പോളിംഗ് സ്റ്റേഷനുകളാണ് സംസ്ഥാനത്ത് സജ്ജമാക്കിയിരിക്കുന്നത്. ബിജെപിയും കോണ്ഗ്രസും നേര്ക്കുനേര് ഏറ്റുമുട്ടുന്ന സംസ്ഥാനത്ത് ആം ആദ്മി പാര്ട്ടി 67 സീറ്റുകളിലും ബിഎസ്പി 53 സീറ്റുകളിലും മത്സരിക്കുന്നുണ്ട്. 2017 ലെ തെരഞ്ഞെടുപ്പില് ബിജെപി 44 സീറ്റുകള് നേടിയാണ് അധികാരത്തില് എത്തിയത്. കേന്ദ്ര-സംസ്ഥാന സര്ക്കാരുകളുടെ പ്രകടനത്തിന്റെ അടിസ്ഥാനത്തില് വീണ്ടും അധികാരത്തിലെത്തുമെന്നാണ് ബിജെപിയുടെ ആത്മവിശ്വാസം. സംസ്ഥാനത്തത്തെ ബിജെപി ഭരണത്തിന്റെ വിലയിരുത്തലും, തങ്ങളുടെ തെരഞ്ഞെടുപ്പ് വാഗ്ദാനങ്ങളും വോട്ടര്മാര്ക്കിടയില് വലിയ സ്വാധീനം ചെലുത്തുമെന്നാണ് കോണ്ഗ്രസിന്റെ പ്രതീക്ഷ. ഡിസംബര് എട്ടിനാണ് വോട്ടെണ്ണല്.