തലശേരിയില് ആറ് വയസുകാരന്റെ തലയിൽ മറ്റൊരാളും അടിച്ചു, മർദിക്കുന്ന ദൃശ്യങ്ങള് പുറത്ത്
November 5 | 11:12 AM
കണ്ണൂർ: തലശ്ശേരിയില് ആറുവയസുകാരനെ യുവാവ് ചവിട്ടി തെറിപ്പിച്ചതിനു മുൻപ് മറ്റൊരാളും കുട്ടിയെ മർദിക്കുന്ന ദൃശ്യങ്ങൾ പുറത്ത്. ഗണേഷിനെ വഴിപോക്കനായ മറ്റൊരാളും തലയ്ക്കടിക്കുന്നത് സിസിടിവി ദൃശ്യങ്ങളിൽ വ്യക്തമാണ്. കുട്ടി കാറിലേക്ക് നോക്കി നില്ക്കുമ്പോഴായിരുന്നു മര്ദനം. കാറിന് ചാരിനിന്നതിന് കുട്ടിയെ ചവിട്ടിവീഴ്ത്തിയ പ്രതി മുഹമ്മദ് ഷിഹാദ് കുട്ടിയുടെ തലക്കടിക്കുന്ന ദൃശ്യങ്ങളും പുറത്തുവന്നു.
ഷിഹാദ് മര്ദിക്കുന്നതിന് മുന്പാണ് വഴിപോക്കനായ മറ്റൊരാള് കുട്ടിയെ അടിക്കുന്നത്. പൊലീസ് എഫ്ഐആറില്, ഷിഹാദ് കുട്ടിയുടെ തലയില് അടിച്ചുവെന്നും കാല് കൊണ്ട് ചവിട്ടിയെന്നുമായിരുന്നു രേഖപ്പെടുത്തിയിരുന്നത്. സിസിടിവിയിലെ കൂടുതല് ദൃശ്യങ്ങള് പരിശോധിച്ചപ്പോഴാണ് മറ്റൊരാളും മര്ദിച്ചത് കണ്ടത്.