ആര്യ രാജേന്ദ്രന് രാജിവെക്കണം പ്രതിഷേധവുമായി യൂത്ത് കോണ്ഗ്രസും യുവമോര്ച്ചയും
November 5 | 03:37 PM
തിരുവനന്തപുരം: കോര്പറേഷനിലെ താത്കാലിക തസ്തികകളില് ഒഴിവുകളുണ്ടെന്ന് ചൂണ്ടിക്കാട്ടി മേയര് ആര്യാ രാജേന്ദ്രന് സി.പി.എം ജില്ല സെക്രട്ടറിക്ക് കത്തയച്ച സംഭവത്തില് പ്രതിഷേധവുമായി
കോണ്ഗ്രസും ബിജെപിയും. മേയറുടെ നടപടി സത്യപ്രതിഞ്ജാ ലംഘനമാണെന്നും രാജിവെക്കണമെന്നും ആവശ്യപ്പെട്ട് യൂത്ത് കോണ്ഗ്രസ്, യുവമോര്ച്ച പ്രവര്ത്തകര് നഗരസഭയിലേക്ക് തള്ളിക്കയറി. പ്രതിഷേധക്കാരെ മാറ്റാന് ശ്രമിച്ചതോടെ പ്രവര്ത്തകരും പൊലീസും തമ്മില് വാക്കേറ്റം ഉണ്ടായി.
ഇത് കേരളത്തിലെ തൊഴിലന്വേഷിക്കുന്ന ചെറുപ്പക്കാരെ ഞെട്ടിക്കുന്നതാണെന്നും ഉത്തരവാദിത്തം ഏറ്റെടുത്ത് മേയര് രാജിവെക്കണമെന്നും രാജി വെക്കാന് തയാറായില്ലെങ്കില് അവരെ മേയര് സ്ഥാനത്തുനിന്ന് പുറത്താക്കാന് സി.പി.എം തയാറാകണമെന്നും പ്രതിപക്ഷ നേതാവ് വി ഡി സതീശൻ പറഞ്ഞു.
പിഎസ് സി വഴിയെത്തുന്ന ചെറുപ്പക്കാര്ക്ക് അവസരം നിഷേധിക്കുകയാണ് ഇത്തരം നടപടിയെന്നും അദ്ദേഹം പറഞ്ഞു.