ഭാരത് ജോഡോ യാത്രയുടെ സുരക്ഷ പിന്വലിച്ച കേന്ദ്ര നടപടി; നാളെ സംസ്ഥാന വ്യാപകമായി പ്രതിഷേധത്തിന് ആഹ്വാനം
January 27 | 10:31 PM
കണ്ണൂർ: രാഹുല് ഗാന്ധി നയിക്കുന്ന ഭാരത് ജോഡോ യാത്രയ്ക്ക് സുരക്ഷ പിന്വലിച്ച കേന്ദ്ര നടപടിക്കെതിരെ സംസ്ഥാന വ്യാപകമായി പ്രതിഷേധത്തിന് ആഹ്വാനം ചെയ്ത് കെ സുധാകരന്. സിആര്പിഎഫിനെ പിന്വലിച്ചത് ഭാരത് ജോഡോ യാത്ര അട്ടിമറിക്കാനാണെന്ന് കെപിസിസി പ്രസിഡന്റ് കെ. സുധാകരന് പറഞ്ഞു. ജോഡോ യാത്രയ്ക്ക് ഐക്യദാര്ഢ്യവുമായി നാളെ വൈകുന്നേരം നാല് മണിക്ക് പൊതുസമ്മേളനം നടത്തും.
രാഹുല് ഗാന്ധിയുടെയും ഒപ്പമുള്ളവരുടേയും സുരക്ഷ ഉറപ്പാക്കാത്തതുകൊണ്ടാണ് ജോഡോ യാത്ര താത്ക്കാലികമായി പിന്വലിക്കാനുള്ള തീരുമാനം. സുരക്ഷാ ചുമതലയിലുള്ള സിആര്പിഎഫ് ഉദ്യോഗസ്ഥര് പിന്മാറിയ പശ്ചാത്തലത്തിലാണ് ഭാരത് ജോഡോ യാത്ര നിര്ത്തിവച്ചിരിക്കുന്നത്.
അതേസമയം
സുരക്ഷ നല്കുന്നുണ്ടെന്നും സുരക്ഷാ നിര്ദേശങ്ങള് പാലിക്കുന്നില്ലെന്ന പരാതിയാണ് തങ്ങള് കോണ്ഗ്രസിനെ അറിയിച്ചതെന്നുമാണ് സിആര്പിഎഫിന്റെ വിശദീകരണം.