കത്ത് വിവാദം: തലസ്ഥാനത്ത് ഇന്നും പ്രതിപക്ഷ പ്രതിഷേധം, സംഘർഷം; രാജി വെക്കില്ലെന്ന് മേയർ
November 11 | 10:48 AM
തിരുവനന്തപുരം: കത്ത് വിവാദത്തില് മേയറുടെ രാജി ആവശ്യപ്പെട്ട് തിരുവനന്തപുരം കോർപറേഷനിൽ അഞ്ചാം ദിവസവും പ്രതിപക്ഷ പ്രതിഷേധം. ബിജെപി-യുവമോർച്ച പ്രവർത്തകർ കോർപറേഷനിലേക്ക് പ്രതിഷേധവുമായെത്തിയത് സംഘർഷത്തിനിടയാക്കി. മേയർക്കെതിരെ ഇപ്പോൾ നടക്കുന്ന അന്വേഷണം പ്രഹസനമാണ്, മേയറുടെ രാജിയിൽ കുറഞ്ഞതൊന്നും ആവശ്യമില്ലെന്നാണ് പ്രതിഷേധക്കാർ പറയുന്നത്.
കോർപറേഷന് പുറത്ത് യുഡിഎഫ് പ്രവര്ത്തകരും അകത്ത് യുഡിഎഫ് കൗൺസിലർമാരും ധര്ണ നടത്തി. യുവമോർച്ച പ്രവർത്തകരുടെ മാർച്ചിന് നേരെ പോലീസ് മൂന്ന് തവണ ജലപീരങ്കി പ്രയോഗിച്ചു. എന്നിട്ടും പ്രവർത്തകർ പിരിഞ്ഞു പോകാതെ നിന്നതോടെ പോലീസ് ഗ്രനേഡും കണ്ണീർ വാതകവും പ്രയോഗിച്ചു. തുടർന്ന് പ്രതിഷേധിച്ചെത്തിയ പ്രവർത്തകരെ പോലീസി കസ്റ്റഡിയിലെടുത്തു. അതേസമയം കത്ത് വിവാദത്തിന്റെ പേരിൽ രാജി വെക്കില്ലെന്നാണ് മേയർ ആര്യ രാജേന്ദ്രന്റെ പ്രതികരണം.