March 31 | 11:20 AM

തിരുവനന്തപുരം: കോടതി വിധി വിസ്മയിപ്പിക്കുന്നതെന്ന് പ്രതിപക്ഷ നേതാവ് വി ഡി സതീശൻ. കേസിൻറെ മെറിറ്റ് സംബന്ധിച്ച വാദമാണ് ലോകായുക്തക്ക് മുന്നിൽ നടന്നത്. ഇത് നിലനിൽക്കുന്നതാണ് എന്ന് ബഞ്ച് കണ്ടെത്തിയതാണ്. ഇപ്പോൾ വീണ്ടും കേസിൻറെ മെരിറ്റ് സംബന്ധിച്ച് വാദം കേൾക്കാൻ തീരുമാനിച്ചിരിക്കുന്നു. ഇത് നിയമപരമായി നിലനിൽക്കുന്ന വിധിയല്ല, വിചിത്രമായ വിധിയാണെന്നും സതീശൻ പറഞ്ഞു. ഇത് ലോകായുക്തയെ ഭീഷണിപ്പെടുത്തി നേടിയ വിധിയാണെന്ന് വിഡി സതീശൻ ആരോപിച്ചു. സർക്കാരിനെ സഹായിക്കാനായി മനപൂർവമായി ഉണ്ടാക്കിയ വിധിയാണിത് എന്നും സതീശൻ പറഞ്ഞു.അഭിപ്രായ ഭിന്നതയുണ്ടായിരുന്നെങ്കിൽ അത് പറയാൻ ഒരു വർഷമെടുത്തത് എന്തിനാണെന്ന് സതീശൻ ചോദിച്ചു. ലോകായുക്തയുടെ വിശ്വാസ്യതയെ ഈ വിധി പൂർണമായും തകർത്ത് തരിപ്പണമാക്കിയെന്നും അദ്ദേഹം പറഞ്ഞു.