ശബരിമല തീര്ത്ഥാടകർ സഞ്ചരിച്ച ബസ് കൊക്കയിലേക്ക് മറിഞ്ഞു
March 28 | 04:46 PM
പത്തനംതിട്ട: ശബരിമല തീര്ത്ഥാടകര് സഞ്ചരിച്ച ബസ് കൊക്കയിലേക്ക് മറിഞ്ഞ് അപകടം. പത്തനംതിട്ട ഇലവുങ്കലിലാണ് അപകടമുണ്ടായത്. 67 പേര് ബസിലുണ്ടായിരുന്നു. രക്ഷാപ്രവര്ത്തനം പുരോഗമിക്കുകയാണ്. നാട്ടുകാരാണ് ആദ്യമെത്തി ബസിനുള്ളില് കുടുങ്ങിക്കിടന്നവരെ പുറത്തെത്തിച്ചത്. തഞ്ചാവൂരില് നിന്ന് എത്തിയവരാണ് ബസിലുണ്ടായിരുന്നത്.
ബസ് വളവ് തിരിഞ്ഞുവരുമ്പോള് കൊക്കയിലേക്ക് മറിയുകയായിരുന്നു എന്നാണ് നാട്ടുകാര് പറയുന്നത്. തുടര്ന്ന് നാട്ടുകാര് തന്നെ രക്ഷാപ്രവര്ത്തനത്തിന് നേതൃത്വം നല്കുകയും പിന്നാലെ ഫയര്ഫോഴ്സ് ഉദ്യോഗസ്ഥരുമെത്തി. രക്ഷാപ്രവര്ത്തനം ഊര്ജിതമാക്കാന് ജില്ലാ ഭരണകൂടം നിര്ദേശം നല്കി.