കെ സുധാകരന്റെ ആർഎസ്എസ് സംരക്ഷണ പ്രസ്താവന:പ്രതികരണവുമായി പി.കെ കുഞ്ഞാലിക്കുട്ടി
November 10 | 01:58 PM
തിരുവനന്തപുരം: കെ.പി.സി.സി പ്രസിഡന്റ് കെ. സുധാകരന്റെ ആർഎസ്എസ് സംരക്ഷണ പ്രസ്താവനയിൽ വിശദീകരണം നൽകേണ്ടത് കോൺഗ്രസാണെന്നും ലീഗ് ഇക്കാര്യം വിശദമായി ചർച്ച ചെയ്യുമെന്നും മുസ്ലീം ലീഗ് നേതാവ് പി.കെ കുഞ്ഞാലിക്കുട്ടി. അതേസമയം ഇതുമായി ബന്ധപ്പെട്ട് കൂടുതൽ പ്രതികരണം നടത്താൻ അദ്ദേഹം തയ്യാറായില്ല. ഗവർണർക്കെതിരായ ഓർഡിനൻസ് മുസ്ലീം ലീഗ് ചർച്ച ചെയ്യും. ബിജെപി ഭരിക്കാത്ത സംസ്ഥാനങ്ങളിൽ ഗവർണർമാർ പ്രശ്നം ഉണ്ടാക്കുന്നുണ്ട്. എന്നാൽ കേരളത്തിലെ സ്ഥിതി വ്യത്യസ്തമാണ്. യൂണിവേഴ്സിറ്റി നിയമനങ്ങളിൽ പ്രശ്നങ്ങൾ ഉണ്ടെന്നത് സത്യമാണ്. രാഷ്ട്രീയ നിയമനങ്ങൾ ഒരുപാട് നടക്കുന്നുണ്ട്. കേരളത്തിലെ സ്ഥിതിവിശേഷം നോക്കിയാൽ എതിർക്കേണ്ടി വരും. വി.ഡി സതീശൻ പറയുന്നതിലും കാര്യമുണ്ട്.
ഓർഡിനൻസ് നിയമസഭയിൽ എത്തുമ്പോൾ പ്രതിപക്ഷത്തിന് ഒറ്റ ശബ്ദമായിരിക്കുമെന്നും അദ്ദേഹം പറഞ്ഞു.