പെരിന്തൽമണ്ണയിൽ ബാലറ്റ് പെട്ടി കാണാതായ സംഭവം അതീവ ഗുരുതരമെന്ന് ഹൈക്കോടതി
January 18 | 06:02 AM
കൊച്ചി: പെരിന്തല്മണ്ണയില് തപാല് വോട്ട് പെട്ടി കാണാതായത് അതീവ ഗുരുതര വിഷയമെന്ന് കേരള ഹൈക്കോടതി. കണ്ടെത്തിയ ബാലറ്റ് പെട്ടി ഹൈക്കോടതിയുടെ കസ്റ്റഡിയില് സൂക്ഷിക്കും. ബാലറ്റുകള് ഉദ്യോഗസ്ഥര്ക്ക് തിരികെ നല്കാന് കഴിയില്ല. ഹര്ജിയില് ഹൈക്കോടതി തെരഞ്ഞെടുപ്പ് കമ്മീഷനെ കക്ഷി ചേര്ത്തു. കേട്ടുകേള്വി ഇല്ലാത്ത ഗുരുതര വിഷയമാണുണ്ടായതെന്ന് നജീബ് കാന്തപുരം എംഎല്എ പ്രതികരിച്ചു. ബാലറ്റ് പെട്ടി കാണാതായത് കോടതിയുടെ മേല്നോട്ടത്തിലോ തെരഞ്ഞെടുപ്പ് കമ്മിഷന്റെ മേല്നോട്ടത്തിലോ അന്വേഷിക്കണമെന്ന ആവശ്യമാണ് ഹര്ജിക്കാരന് കോടതിയില് ആവശ്യപ്പെട്ടത്. പെട്ടികള് കോടതിയുടെ സംരക്ഷണയില് വയ്ക്കും. ഉദ്യോഗസ്ഥര്ക്ക് കൈമാറാനാകില്ലെന്നും എല്ലാം സുതാര്യമായിരിക്കണമെന്നും ഹൈക്കോടതി വ്യക്തമാക്കി. ഹര്ജി അടുത്ത 31 ന് വീണ്ടും പരിഗണിക്കും.